Këto janë pamjet brenda xhamisë së Namazgjasë, e cila është drejt përfundimit të punimeve. Objekti i kultit, që është financuar nga qeveria turke, pritet në inagurohet në Festën e Bajramit, ku për herë të parë besimtarët myslimanë pritet të falen në këtë xhami.
Xhamia e Namazgjasë në Tiranës, e cila financohet nga Fondacioni i Çështjeve Fetare, konsiderohet më e madhja në Ballkan. Ajo ka një hapësirë ndërtimi prej rreth 5 mijë metrash katrorë, me një kapacitet prej 4500-5000 persona.
Xhamia pritet të jetë një qendër multi funksionale, ku pjesë e saj do të jenë: një sallë konferencash me një kapacitet prej 332 personash, një hapësirë me 10 klasa ku do të mësohet Kur’an-i Kerim si dhe një muze i cili do të quhet edhe ndryshe si “Muzeu i Bashkëjetesës”.
