Sot (04.10.2024), Njësia për Korrupsion pranë Departamentit për Ndalimin e Krimit të Organizuar dhe Serioz ka dorëzuar një padi penale në Prokurorinë Publike për Krime të Organizuar dhe Korrupsion kundër gjashtë personave, të gjithë pjesëtarë të policisë së burgut, të punësuar në Burgun e idriyovës: I.I. (37), J.A. (36), I.J. (50), D.P. (34), F.B. (31) dhe V.T. (36), për veprën penale “Lejimi i arratisjes së një personi të privuar nga liria” e parashikuar dhe e ndëshkuar sipas nenit 372, paragrafi 2 të Kodit Penal.
Të akuzuarit I.I. dhe J.A., në cilësinë e punonjësve të policisë së burgut, më 01.02.2023, gjatë kryerjes së detyrave të tyre në seksionin e hapur, duke dhënë të dhëna të rreme/informacione për policët e burgut të lartë, u kanë mundësuar një grup të dënuarish të jenë jashtë mureve të burgut, në kundërshtim me vendimet gjyqësore sipas të cilave ata duhej të vuajnë dënimin në Burgun e Idrizovës. Kur u konstatua numri i të dënuarve në seksionin e hapur, u gjetën shtatë individë të cilët mungonin në institucion, ndërsa I.I. dhe J.A. konfirmuan se të gjithë të dënuarit ishin të pranishëm, për çka i informuan gojarisht komandantët, duke u mundësuar arratisjen e të dënuarve: J.R., I.J., N.B., S.S., R.K., I.R. dhe E.S.
Të akuzuarit I.J., D.P., F.B. dhe V.T. në të njëjtën ditë, të angazhuar në pozita pune në institucion, nuk kanë marrë masa për ta penguar të dënuarin R.K. që të largohet nga burgu, i cili përpara tyre u drejtua nga dera e pranimit dhe u arratis.
Policët e burgut vepruan në kundërshtim me procedurat, kompetencat dhe detyrat e punës dhe përgjegjësitë për sigurinë, duke kryer kështu veprën penale “Lejimi i arratisjes së një personi të privuar nga liria” sipas nenit 372, paragrafi 2 të Kodit Penal.
