Shefi i diplomacisë, Bujar Osmani i ftuar në emisionin “10 Minuta” tha se Qeveria franceze i ka në tavolinë propozimet e të dyja palëve, tani u përket atyre si t’i çojmë punët përpara.
“Qeveria franceze i ka propozimet e të dyja vendeve, edhe të Republikës së Bullgarisë dhe të Maqedonisë së Veriut. Duhet tani të arrijmë në një marrëveshje më të mirë për të dyja palët, si do ta gjejmë kjo duhet parë. Nuk mund të arrijmë në një marrëveshje të mirë për njërën palë dhe një të keqe për palën tjetër, por në linja kryesore për të mirën e të dyja palëve”- tha Osmani.
