Me rreth 926 milion euro qarkullim vjetor, mbi 72 milion euro neto fitim dhe me 9.199 të punësuar, e kanë kaluar vitin 100 kompanitë më të suksesshme të OEMVP-së. Kryetari i kësaj Ode, Nebi Hoxha, tha se edhe krahas pandemisë, kompanitë anëtare të këtij grupacioni arritën të kenë rezultate të mira.
“Ishim skeptik se viti 2020 është një vit i recesionit ekonomik, sot me eventin top 100, i cili është më veç një brend i mbrojtur, dëshmuam se kompanitë anëtare të OEMVP-së edhe përskaj recesionit ekonomik u paraqitën me një rezultat pozitiv në tri kategoritë kryesore, si në qarkullim, në rritje të numrit të punësuarve dhe në neto fitim.”,- deklaroi kryetari i OEMVP-së, Nebi Hoxha.
Zëvendëskryeministri Bytyçi tha se qeveria do të mbështesë sektorin privat përmes masave të ndryshme. Ai tha se e ardhmja e ekonomisë vendore është krijimi i një tregu të përbashkët rajonal.
“Rifokusimi me stimulimin e investimeve në tregun e Ballkanit Perëndimor do të krijojë një treg rajonal elastik dhe të qëndrueshëm, i cili do të jetë konkurrues në tregun evropian apo botëror. Në të njëjtën kohë do të mbështesë dhe sigurisht do të rrisë dhe do të forcojë ekonomitë kombëtare.”,- tha zëvendëskryeministri për çështje ekonomike, Fatmir Bytyqi.
Pesë kompanitë më të suksesshme për këtë vit u shpallën “Kipper Market”, “Ats Grup”, “Pucko Petrol”, “Dauti Komerc” dhe “Pofix”. Kompania me rritje më të shpejtë në 3 vitet e fundit u shpall “Dekor Tekstil”, ndërsa kompania më e suksesshme e udhëhequr nga një grua u shpall kompania “Dogan Air Conditioning Solutions”.
