Njerku 20-vjeçar dyshohet se ka rrahur një foshnjë shtatë muajshe, ndërsa vetëm një ditë para arrestimit ka publikuar në rrjetet sociale fotografi të foshnjës ku shihen të mavijosurat në fytyrën e fëmijës, transmeton Kurir serb. Ai e rrahu foshnjën teksa dërgonte gruan e tij në dyqan. Foshnja u shtrua në spital me lëndime të tmerrshme: thyerje të krahut, klavikul, hematomë në kokë, brinjë të thyera dhe gjakderdhje të brendshme. Fëmija merrte frymë me vështirësi.
Për shkak të ashpërsisë së lëndimeve, fëmija nga Kraleva është transferuar në Beograd, ndërsa njerku është arrestuar teksa ka qenë në sportelin e spitalit ku ka ardhur për t’u informuar për gjendjen e foshnjës. Nëna vetëm më vonë pranoi se partneri i saj e kishte rrahur foshnjën dhe i kishte shkaktuar lëndime.
Vetëm pak ditë më parë, AK publikoi në rrjetet sociale një video të një foshnjeje në krahët e nënës së tij II (19).
Në shkurt të këtij viti, policia serbe arrestoi një burrë nga Vlasotinca pasi kishte rrahur për vdekje fëmijën e partneres së tij.Pa Censurë
