Një fëmijë dyvjeçar është fëmija më i ri i sapoinfektuar me koronavirus në Shtip, treguan rezultatet e marra sot nga strishat e marrë nga epidemiologët, por edhe nga laboratorët privatë. Drejtoresha e Qendrës për shëndet publik – Shtip, Marija Dimitrova thotë se deri më tani janë marrë rreth 33 rezultate pozitive nga banorët e Shtipit. Numri edhe sot është ende i lartë dhe dyshifror.
“Për momentin jemi duke bërë sondazhet epidemiologjike të rasteve të reja pozitive në Shtip, në mënyrë që të përcaktojmë se ku janë infektuar, deri më tani tregojnë se janë nga klasteret e fabrikës. Sondazhi epidemiologjik për rastet e djeshme tregoi se rreth 90 për qind e rasteve janë punëtorë ose kontakte të tyre nga tetë konfeksionet, ku u shfaq infeksioni”, thotë Dimitrova. Në rajonin e Shtipit me rastet e sotme pozitive të Kovid-19 numri është mbi 333 raste aktive, ndërsa 303 janë shëruar.
Dimitrova u bën apel qytetarëve të respektojnë masat, siç janë mbajtja në distancës, mbajtja e maskës mbrojtëse dhe larja e shpeshtë e duarve. Shtipi deri më tani ka 11 viktima nga koronavirusi, pas rastit të fundit që ishte i punësuar në Komunën e Shtipit, dy kolegë të tij janë vendosur në karantinë shtëpiake, të cilët janë të punësuar në sektorin për shërbime sociale në Komunën e Shtipit, ndërsa hapësirat janë dezinfektuar.
