Asteroidi gjigant, i cili është 2,5 kilometra i gjatë dhe 2,5 herë më i madh se ndërtesa e Empire State në Shtetet e Bashkuara të Amerikës (SHBA), do të kalojë pranë Tokës javën e ardhshme.
Sipas lajmeve të “Science Alert”, asteroidi i klasifikuar si “asteroid potencialisht i rre*zikshëm” për shkak të kalimeve të rregullta të afërta, do të mbërrijë në vendndodhjen më të afërt të Tokës më 18 janar.
Asteroidi, i cili do të afrohet në një distancë prej rreth 13,3 milionë kilometrash, do të ketë një hapje të sigurt, ndaj nuk do të ketë rrezik për përplasje.
Kjo vizitë nga afër do t’i lejojë astronomët të studiojnë më tej asteroidin prej guri të tipit S që i përket grupit të asteroidëve Apollo.
Asteroidi do të udhëtojë afërsisht 19,56 kilometra në sekondë, që do të thotë se do të duket si një yll në qiellin e natës. I njohur si asteroidi 496860 (1999 XL 136), ky trup qiellor u zbulua në vitin 1994 nga astronomi Robert McNaught në observatorin Siding Spring në Australi.
Kalimi i fundit nga afër i një asteroidi gjigant pranë Tokës ndodhi 89 vjet më parë, më 17 janar 1933. Qasja tjetër pritet më 18 janar të vitit 2105.
