Në qytetin Eskishehir në Turqi, një 18-vjeçar ka sulmuar me thikë pesë persona që ishin duke qëndruar në kopshtin e një xhamie. Gjatë sulmit, ai mbante helmetë, maskë dhe jelek antiplumb. Si pasojë e sulmit, dy nga të plagosurit janë në gjendje kritike. Policia turke ka arrestuar menjëherë të dyshuarin, sipas raportimeve të agjencisë shtetërore të lajmeve, Anadolu, duke cituar Reuters.
Mediat turke kanë publikuar një video që thuhet se është bërë nga vetë sulmuesi gjatë incidentit në xhaminë në Eskişehir. Në video, shihet sulmuesi duke vrapuar në zonën e xhamisë, ndërsa njerëzit përpiqen të largohen prej tij. Sipas agjencisë së lajmeve Anadolu, dyshohet se i riu ishte nën ndikimin e video lojërave, megjithëse ky pretendim nuk është i konfirmuar. Ministri i Brendshëm, Ali Yerlikaya, deklaroi se policia ka arrestuar të dyshuarin pas asaj që e quajti një sulm të rastësishëm. Autoritetet kanë nisur një hetim për të sqaruar rrethanat e incidentit.
