Nga nëntori, punonjësit shëndetësorë do të marrin paga më të larta. Fondi i pagave në buxhet, nga i cili paguhen pagat në sektorin e shëndetësisë, do të rritet me 10% nga nëntori dhe me 5% të tjera në mars të vitit të ardhshëm, njoftoi kryeministri Hristijan Mickoski. Në vitin 2026 dhe 2027, fondi i pagave do të rritet me 5 deri në 7%, ndërsa në vitin 2028, rritja do të jetë nga 7 deri në 10%.
– Shpreh kënaqësi të madhe në emër të Qeverisë së Maqedonisë për këtë moment, do të thosha, historik, sepse për herë të parë në një periudhë afatgjatë arrihet një marrëveshje për rritjen përqindore të fondit të pagave për punonjësit shëndetësorë. Arritëm një marrëveshje që ka një dimension historik. Përveç këtyre koeficientëve për të cilët folëm, kjo do të thotë një rritje prej 10% të fondit të pagave. Vitin e ardhshëm, në mars, do të kemi një rritje shtesë prej 5%, ndërsa në vitin 2026 nga 5 deri në 7%, në varësi të gjendjes dhe kondicionit të buxhetit. Shpresojmë që buxheti të jetë në një gjendje të mirë, dhe po punojmë për këtë. E njëjta rritje prej 5 deri në 7% të fondit të pagave do të ndodhë edhe në vitin 2027, ndërsa në vitin 2028 rritja do të jetë nga 7 deri në 10% – tha kryeministri Mickoski.
