Nga nesër do të nis procesi mësimor, në bazë të rregullave të reja të vendosura nga institucionet shtetërore për shkak të situatës së krijuar nga pandemia COVID-19. Nga Ministria e Arsimit dhe Shkencës është bërë e ditur përmes fotografive se si do të duken bankat shkollore, prej nesër e deri në përmirësimin kësaj gjendje, transmeton Indeksonline.
Nga kjo ministri është bërë sërish thirrje që të respektohen rregullat: Mbajtja e maskës, distanca dhe higjiena.
“Kështu duket nga brenda një shkollë e përgatitur që të presë nxënësit nesër, më 14 shtator 2020.Respektoni rregullat: Mbajeni maskën, distancën dhe higjienën!”, thuhet në njoftim.
Duhet theksuar se edhe vetë ministri i Shëndetësisë, Armend Zemaj theksoi se duhet një përkujdesje e lartë duke filluar nga nxënësit, prindërit e arsimtarët. Në mënyrë që ky proces të ecën mbarë dhe të mos-ketë rrezik të virusit.
