Nesër në kuadër të mini – turneut për vizitë në vendet kryesuese me BE-në. Zëvendëskryetari i Qeverisë për Çështje Evropiane, Bujar Osmani, për vizitë punë do të qëndrojë ne Republikën e Finlandës ku të mbajë takim me Ministrin për Çështje Evropiane, Samo Terho. Në kuadër të vizitës, Osmani do të ketë takim edhe me përfaqësuesit e Kabinetit të Kryeministrit Juha Sipilja, përfaqësuesit e Komitetit për Çështje Evropiane të Kuvendit të Finlandës, si dhe përfaqësuesit e Ministrisë së Punëve të Jashtme.
Duke e pasur parasysh faktin se nga 01 qershori Finlanda do të merr kryesimin gjashtëmujor me Bashkimin Evropian, në takime pritet të hapen çështjet për prioritetet e kryesimit të Finlandës; sfidat dhe perspektivat e zgjerimit të Unionit me vendet e Ballkanit Perëndimo, si dhe mbështetja bilaterale për Republikën e Maqedonisë nga ana e Finlandës, në veçanti për procesin e integrimit euro- atlantik të vendit.
Vizita zyrtare në Finlandë është pjesë e mini- turneut të Zëvendëskryeministrit Osmani në tre vendet kryesuese me Këshillin e BE-së në 18 muajt e ardhshëm, ku i parapriu vizita në Rumani që aktualisht kryeson me Këshillin e BE-së, ndërkaq do të pasojë vizita në Kroaci si vend që do të merr kryesimin pas Finlandës.
