Urimet për ditëlindje janë të mirëpritshme çdo herë, por ka edhe të tilla të cilat janë formale, sidomos për njerëzit që nuk njihen për së afërmi. Një formalitet i tillë, ka dalë tragji-komik ditën e sotme, kur urim dha nënkryetari Faruk Mujka. Mujka ka uruar ditëlindjen në profiling e Arsim Hasanit, një punëtori të ndërtimtarisë, duke ia dëshiruar edhe 100 vite jetë.
“Shumë urime Arsim. I gëzofsh edhe 100 të tjera në rrethin e më të dashurve. Gëzuar!”, ka shkruar Mujka.
Por, Arsim Hasani rezulton se ka vdekur që 4 muaj, fiks në mes të muajit prill, në një aksident në vendin e punës. Lajmin për vdekjen e tij e ka bërë të ditur vëllai i tij.
“Të All-llahut jemi dhe te ALL-LLAHU do të kthemi, ju njoftoj se me date 22-04-2020, pas një aksidenti në vendin e punës ka ndrru jetë vëllau im i vetmi, Arsim Hasani, 43 vjec”, ka shkruar vëllai.
