Nga Sofja gjegjësisht nga Spitali “Pirogov” sot janë lëshuar 4 persona të lënduar nga aksidenti i tmerrshëm i 23 nëntorit.Ekipet mjekësore nga Maqedonia e Veriut dhe Serbia, i kanë marrë pacientët për t’i sjellur në shtëpi, thonë nga Spitali.
Nga atje shtojnë se një nga pacientët mbetet nën vëzhgim në Klinikën e Neurokirurgjisë. Siç bëjnë të ditur, pacienti iu është nënshtruar dy operacioneve të cilat kanë rezultuar të suksesshme. Një operacion në pjesën e poshtme të këmbës dhe tjetri në shtyllën kurrizore, siç shtojnë nga Spitali, ai po shërohet pa probleme dhe tashmë ka filluar të lëvizë.
