Në Spitalin e Gjinekologjisë “Nënë Tereza” në Çair është rritur numri i lindjeve në shtatë muajt e fundit, në krahasim me periudhën e njëjtë të vitit të kaluar.
Nga fillimi i këtij viti, dhe deri në fund të korrikut janë kryer 2.511 lindje, që është pothuajse 300 lindje më shumë, në krahasim me periudhën e njëjtë të vitit të kaluar, kur janë realizuar 2.222 lindje.
Siç bëri të ditur Ministria e Shëndetësisë, nga spitali informojnë se edhe në kushte të Kovid-19 puna në këtë spital vijon rregullisht, gjegjësisht spitali i zbaton lindjet, si dhe të gjitha kontrollet dhe skriningjet për për anomalitë e fetusit.
Përndryshe, pas 40 viteve, plotësisht janë rinovuar të dyja sallat e operacionit në spitalin në Çair, ndërsa risi e rëndësishme është edhe gazifikimi i këtij institucioni shëndetësor.
Edhe në kushte të pandemisë me Kovid-19 vazhdon përmirësimi i kushteve në të gjitha institucionet shëndetësore publike dhe kujdes më të mirë shëndetësor për të gjithë qytetarët, theksojnë nga Ministria e Shëndetësisë.
