Varësisht gjendjes epidemiologjike, në mënyrë lokale sipas planit paraprak dhe target të Ministrisë së shëndetësisë, do të vendosen masa restriktive në periudhën vjeshtë-dimër, paralajmëroi ministri i shëndetësisë, Venko Filipçe.
-A planifikohet vendosje eventuale e masave restriktive në fund të vjeshtës dhe në fillim të dimrit, në formë lokale?
-Kemi plan të tillë dhe ato masa janë targetuar dhe lokale. Në ndonjë komunë, vendbanim, subjekt ekonomik, kompani etj.. Nëse vlerësohet se ka nevojë që të intervenohet për uljen e vendeve të punës në objektet hotelierike ose për mbylljen e disa fabrikave më të mëdha, kemi plan të përgatitur,- theksoi Venko Filipçe, ministër i Shëndetësisë.
Tani për tani këto masa të targetuara janë të mjaftueshme për Ministrinë e shëndetësisë. Me fillimin e muajit shtator rritet edhe faktorët e rrezikut për përkeqësim të epidemiologjisë.
-Mund të ketë presion më të madh në repartet infektive, atje ku tani shërohen pacientët edhe nga gripi sezonal dhe kovid. Më duhet të theksoj se masat preventive , maskë, distancë mbrojnë nga të gjitha sëmundjet prej të cilave mund të mbrohemi në atë mënyrë,-deklaroi Venko Filipçe, ministër i Shëndetësisë.
Por si të njohim se a bëhet fjalë për korona virus apo grip sezonal?
-Duhet të konsultohet mjeku amë ose për fëmijët pediatri amë. Mjekët kanë përvojë si manifestohet kjo sëmundje e shkaktuar nga Kovid-19,- tha Venko Filipçe, ministër i Shëndetësisë.
Pushimi i vazhduar për lindje pas hapjes së çerdheve përfundon, kështu që të gjithë prindërit duhet të kthehen në punë.Fëmijët që do të shkojnë në çerdhe nuk do të mbajnë maska mbrojtëse.
