Në Klinikën e Kardiokirurgjisë në Shkup sonte do të bëhet transplantimi i parë i zemrës në Maqedoninë e Veriut.
Këtë informacion e bëri të ditur ministri i Shëndetësisë Venko Filipçe në Tv24. Filipçe tha se donator është një vajzë e cila ka ndërruar jetë para disa ditëve, kurse familja është pajtuar të dhurojë zemrën e saj, kurse zemra do të transplantohet te një pacient i cili gjatë kohë është duke pritur.
