Babai i një vajze irlandeze-izraelite, e cila mendohej se kishte vdekur pasi Hamasi sulmoi Izraelin më 7 tetor, tha se familja e tij mund të shpresojë vetëm se mund ta kthejë atë të gjallë, përcjell Reporteri.net.
Emily Hand, e cila është 8 vjeç, tani besohet të jetë një peng i Hamasit në Gaza.
Babai i saj i lindur në Dublin, Tom Hand, fillimisht u tha se ajo ishte në mesin e një grupi njerëzish të vrarë në një sulm në një zonë të një komuniteti që tradicionalisht merrej me bujqësi.
Duke folur për BBC News në Izrael, Hand tha se familja e tij tani jetonte me shpresë pasi u tha nga Forcat e Mbrojtjes izraelite se kishte të ngjarë që ajo të mbahej peng.
“Ajo do të vazhdojë të jetojë çdo ditë në terrorin e tyre – ne duam që ajo të kthehet, ta duam përsëri, ta përqafojmë përsëri – dhe të mos e lëmë kurrë të iki nga sytë e mi,” tha ai.
