Nesër pritet që Qeveria e Kosovës të ndryshojë masat kundër COVID-19.
Burime të lajmi.net kanë thënë se sot është diskutuar për ndryshimin e masave dhe vendimin që pritet të merret nesër.
Sipas burimeve, me ndryshimin e masave anti-COVID pritet të largohet edhe ora policore e cila aktualisht është në fuqi nga ora 00:00-05:00.
Me masat e reja do të lejohet edhe mbajtja e ahengjeve dhe hapja e klubeve të natës, por me kapacitet të limituar.
Aktualisht në Kosovë janë 1 mijë e 877 raste aktive me COVID-19.
