Ministria e Punëve të Brendshme, me mbështetjen e Prokurorisë Publike për Ndalimin e Krimit të Ndeshjeve në ligat profesionale, sot në Shkup ka zhvilluar një aksion të madh për hetimin e dokumentacionit për dyshimin e trukimit të ndeshjeve në të cilat janë përfshirë klubet e Maqedonisë
MPB-ja dhe Prokuroria Publike kanë kërkuar nga administrata e FFM-së që të sigurojë dokumentacion dhe informacion për klube, ndeshje dhe zyrtarë të caktuar.
Veprimi i Ministrisë së Brendshme bazohet në informacionet dhe rekomandimet e marra nga “Sportradar”, organ i Interpolit dhe UEFA-s, qëllimi i të cilit është lufta kundër trukimeve. Ngjarjet në Maqedoni pasojnë veprimet e mëparshme në rajon, por edhe në Evropë.
Në hetim janë përfshirë klubet Shkupi, Maqedonia Gjorçe Petrov, Voska, Akademia Pandev, Silex, si dhe në ligën e dytë Pobeda dhe Arsimi. Fjala është për ndeshjet që janë luajtur në Maqedoni dhe garat vendore këtë vit dhe vitin e kaluar.
Gjashtë vjet më parë, njëmbëdhjetë persona u arrestuan në një operacion ndërkombëtar policor nga Sllovenia, Kroacia dhe Europoli kundër korrupsionit në sport. Një veprim i ngjashëm është bërë edhe vitin e kaluar në Serbinë fqinje, pas së cilës disa klube janë përjashtuar nga Liga e Parë.
