Nga ora 07:00 e mëngjesit të sotëm është ndërprerë qarkullimi hekurudhor i pasagjerëve dhe mallrave, për shkak të bojkotit të stafit makinerie dhe ekzekutiv në “Hekurudha – Transport”.
Siç tha për AIM-n Dushko Çakarovski, përfaqësues i stafit të makinerive, arsyeja e bojkotit është mospagimi i pjesës së dytë të pagës së dhjetorit.
Ai iu referua Vendimit të datës 2 nëntor 2021, sipas të cilit, stafi makinerie dhe ekzekutiv nuk do të kryejnë punën nëse paga e muajit paraprak nuk paguhet plotësisht deri më 25 të muajit aktual.
“Ne i referohemi këtij Vendimi dhe për këtë arsye nuk bëjmë gjëra. Menjëherë do të vazhdojmë me punë kur të na paguhet pjesa e dytë e pagës së dhjetorit”, tha Çakarovski.
Toni Dimovski, nga ana tjetër, i cili është edhe përfaqësues i stafit të makinerive, shkurt u përgjigj se “bisedimet dhe negociatat për kërkesën” janë duke u zhvilluar.
Sipas vendimit të muajit nëntor, stafi makinerik dhe ekzekutiv në Hekurudha – Transport kërkon pagesën e shpenzimeve materiale deri më 10 të muajit aktual.
