NATO ka bërë thirrje për qetësim të menjëhershëm të situatës në veri të Kosovës.
Këtë e ka bërë të ditur zëdhënësja e NATO-së, Oana Lungescu, ku thuhet se NATO bën thirrje që Beogradi dhe Prishtina të tregojnë përmbajtje dhe të shmangin çfarëdo vendimi të një anshëm dhe të kthehen në dialog.
“Mandati i KFOR-it mbetet për të siguruar një ambient të qetë dhe të sigurtë dhe liri të lëvizjes për të gjitha komunitetet”, ka shkruar Lungescu.
“NATO bën thirrje për de-përshkallëzim të menjëhershëm të situatës së krijuar në veri të Kosovës. Ne i bëjmë thirrje Beogradit dhe Prishtinës të jenë të përmbajtshëm, të shmangin veprimet e njëanshme dhe të kthehen në dialog. Mandati i KFOR-it mbetet për të siguruar një ambient të qetë dhe të sigurtë dhe liri të lëvizjes për të gjitha komunitetet”, tha Lungescu.
#NATO calls for immediate de-escalation in the north of #Kosovo. We urge both Belgrade & Pristina to exercise restraint, avoid unilateral actions & return to dialogue. @NATO_KFOR’s mandate remains to ensure a safe & secure environment & freedom of movement for all communities.
— Dylan White (@NATOpress) September 24, 2021
