“Natën shikoj hije, nuk merrja frymë”, Erjola e BBVA ‘shpërthen’ në lot pasi thotë se është pushtuar nga magjia e zezë


Në shtëpinë e Big Brother VIP Albania 3, gjërat kanë marrë një kthesë të papritur kur banorja Erjola Doçi shpërtheu në lot, duke zbuluar një ndjenjë të thellë ankthi që e ka përcjellë prej disa kohësh.

Me një rrëfim të ndjerë dhe të sinqertë, Erjola ka tronditur banorët dhe shikuesit me deklaratën se mendon se mund të jetë nën ndikimin e magjisë së zezë.

Ndërsa lotët e saj rrjedhin pa ndërprerje, banorja tjetër e shtëpisë, Ilnisa Agolli, ka zgjedhur të ndërhyjë me kryerjen e një rituali fetar.

Ajo ka kryer një ritual që synon të sjellë qetësi dhe mbështetje për Erjolën, në përpjekje për të lehtësuar ankthin që po përjeton bukuroshja.

Ky moment ka prekur zemrat e fansave të shumtë të spektaklit, të cilët përmes rrjetit social X (ish-Twitter) kanë shprehur shqetësimin e tyre për mirëqenien e Erjolës. Disa kanë spekuluar nëse ky mund të jetë një element i intrigës së Vëllait të Madh apo nëse Erjola me të vërtetë po përballet me probleme mendore dhe emocionale.

Big Brother nuk ka dhënë ndonjë deklaratë zyrtare në lidhje me gjendjen e Erjolës dhe asnjë konfirmim nëse kjo është pjesë e strategjisë së lojës apo jo.