Aida Doçi dhe Naser Qeli janë çifti më i ri në estradë, njëherësh shumë të komentuar ditët e fundit.
Dyshja pak kohë pasi u fejuan, kurorëzuan dashurinë me martesë, ndërsa këtë ceremoni e organizuan me rrethin e tyre të ngushtë familjar.
Së fundi, çifti ishin të ftuar në një intervistë , teksa rrëfejnë se si lindi dashuria mes tyre, e që u kurorëzua me martesë.
Aida tregoi se fillimisht ata ishin vetëm bashkëpunëtor në muzikë, ngase Naseri ishte menaxheri i saj, ndërsa më vonë filluan të lindnin shkëndijat e dashurisë.
Në anën tjetër, Naseri foli edhe për ndarjen nga bashkëshortja e parë dhe fëmijët që ka nga ajo martesë.
Me këtë rast, këngëtarja tha se ka raporte shumë të mira me fëmijët e bashkëshortit dhe se ata e respektojnë shumë, teksa shton se nuk i pengon fare e kaluara e Naserit.
Në rrjete sociale u komentua shumë një fotografi e publikuar në vitin 2016, në të cilën Naseri e quante Aidën motër.
Ai e komentoi edhe këtë imazh, teksa thotë se nuk ka asgjë të keqe, ngase në atë kohë është ndjerë ashtu, ndërsa më vonë dyshja u dashuruan.
Aida deklaroi se ashtu sikurse çdo vajzë do të dëshironte të bënte dasmë të madhe, por pandemia nuk ua mundësoi një gjë të tillë.
