Profesoresha Mirjana Najçevska ka komentuar vendimin e Apelit për heqjen e dënimit prej tetë vjet burg ndaj ish-drejtorit të DSK-së Sasho Mijallkov për rastin “Thesari” dhe kthimin e lëndës në rigjykim.
“Përfundimisht do t’i japin një urdhër për merita në ndërtimin e demokracisë dhe shtetit ligjor. Sido që të jetë, pres që të nxjerrin aktgjykim me të cilin do të vërtetohet se nuk ka pasur përgjim, se nuk ka “Shkupi 2014”, se policia ka qenë e madhe, ndërsa Mijallkov është viktimë e komunizmit”, ka shkruar Najçevska në Facebook.
“Të them edhe një herë: të gjithë gjyqtarët dhe prokurorët duhet të shkarkohen nga detyra, të shpallet konkurs dhe vetëm ata që do të kalojnë sitën civile dhe jo partiake dhe do të kthehen në punë. Ju siguroj se shteti do të jetë më mirë pa gjyqtarë sesa me gjyqtarë të tillë”, shton profesoresha.
