Kandidati i opozitës shqiptare për kryetarë në Komunën e Tetovës, Vullnet Murseli, ka paralajmëruar miratimin e planit të ri urbanistik për Tetovën, si dhe do të revidojë planin detal urbanistik për Shik Jellakun.
“Në Tetovë është bërë krim urbanistik me ndërtimet pa leje. Komuna ka qenë e interesuar për rryshfete, nuk janë respektuar rregulla dhe kritere, ndërsa plane urbanistike janë sjellë vetëm për interesa personale. Janë ndërtuar banesa edhe në rrugica të vogla dhe pa parkingje. Me ardhjen time në krye të Komunës do të revidohen disa plane detale urbanistike siç është Shik Jellaku, do të angazhojmë ekip ekspertësh për planin e ri general për periudhë 20 vjeçare që do të ketë qëllim zhvillimin e zonës, ku do të ketë banesa individuale dhe kolektive, do të ndërtohen qendra banimi me parkingje dhe hapsira të gjelbërta e jo fjetore”, tha Murseli.
Murseli ka paralajmëruar edhe ndërtimin e katër parkingjeve në kate si dhe mundësinë për ndërtimin e parkingut ndërtokësor në sheshin e qytetit.
“Ne do të angazhohemi maksimalisht që të bëjmë rigrupimin e të punësuarve ku ka ma shumë nevojë. Sa I përket parkingjeve dhe happen e bulevardeve. Ndërtimi I parkingjeve si dhe ndërtimi I kapacitetee të reja për parking ne kemi paraparë katër parkingje në kate. Poashtu ne kemi paraparë të shihet mundësia e një parking nëntokësor te sheshi I qytetit për të cilin kemi plan për ta shndëruar sheshin në një hapsirë publike për të gjithë”, tha Murseli.
