Ajo që mund të them për muajin tetor, duke gjykuar nga të dhënat e momentit të modelit më të saktë të parashikimit, “Qendra Evropiane për Parashikime Afatmesme” (ECMWF), është se mund të shpresojmë për një verë të vogël dhe mot më të ngrohtë dhe më të qëndrueshëm në gjysmën e parë të muajit tetor, ndërsa gjysma e dytë e këtij muaji pritet të sjellë më shumë reshje, si dhe temperatura më të ulëta, thotë meteorologu Slavço Poposki.
“Temperaturat në gjysmën e parë të muajit tetor do të jenë pak mbi mesataren dhe pothuajse kudo gjatë ditës do të ngjiten mbi 20 gradë, ndërsa në pjesët më të ngrohta qendrore dhe juglindore ato mund të arrijnë deri në 30 gradë. Megjithatë, për shkak se dita po bëhet më e shkurtër dhe netët më të gjata, mëngjeset do të jenë më të freskëta dhe do të ketë më shumë lagështi në ajër. Duhet të theksoj se, duke marrë parasysh se bëhet fjalë për një analizë afatgjatë të motit, ka shumë mundësi për ndryshime, por për çfarë ndryshimesh bëhet fjalë, mbetet të shihet se si do të zhvillohen gjërat më tej, si dhe zhvillimi i kushteve të motit te ne dhe më gjerë në Ballkan, por edhe në të gjithë kontinentin Evropian. Prandaj, do të ishte më mirë që qytetarët të mbështeten në analizat e mia afatshkurtra të motit, të cilat i publikoj çdo ditë,” thotë ai.
