„Do të ndjekim situatën në Liban, Izrael dhe në rajon. Do të informojmë në kohë qytetarët tanë për udhëzimet eventuale për veprim,“ informojnë nga MPJ e Maqedonisë.
Në rastin e parë të mundshëm, qytetarët tanë që gjenden në Liban të largohen nga ky vend për shkak të gjendjes së përkeqësuar të sigurisë atje, informoi sot Ministria e Punëve të Jashtme dhe e Tregtisë së Jashtme.
Ata gjithashtu bëjnë apel që, duke marrë parasysh situatën e paparashikueshme të sigurisë në Lindjen e Mesme, qytetarët të shtyjnë udhëtimet e panevojshme drejt Izraelit.
„Për më tepër, qytetarët maqedonas që ndodhen në territorin e Izraelit të ndjekin udhëzimet e autoriteteve kombëtare të sigurisë dhe, në varësi të nevojës dhe dinamikës së situatës së sigurisë, të largohen nga Izraeli,“ thuhet në njoftimin e MPJ-së maqedonase.
Informacione më të detajuara rreth situatës aktuale në Izrael mund të gjenden në faqen e mëposhtme të internetit, e cila, sipas tyre, hapet vetëm përmes serverëve në territorin e Izraelit: https://www.oref.org.il/12481-en/Pakar.aspx
Nga MPJ informojnë gjithashtu se janë në dispozicion telefonat SOS të kujdestarisë 075/ 273-732 dhe 075/ 268-736, si dhe telefoni i ambasadës në Tel Aviv +972-54-926-7378.
„Do të ndjekim situatën në Liban, Izrael dhe në rajon. Do të informojmë në kohë qytetarët tanë për udhëzimet eventuale për veprim,“ thonë nga MPJ.
