Sot moti në vend do të jetë me diell dhe me vranësira të lehta, me erë të dobët deri në mesatare nga drejtimi verior. Në mëngjes, në disa lugina, do të ketë kushte për mjegull të lehtë, informon Drejtoria për Punë Hidrometeorologjike (DPH).
Temperatura minimale do të lëvizë nga zero deri në tetë gradë Celsius, ndërsa maksimalja ditore do të arrijë nga 18 deri në 26 gradë.
Në Shkup pritet mot i ngjashëm, në mëngjes me kushte për mjegull të lehtë, ndërsa gjatë ditës me diell dhe me vranësira të lehta. Do të fryjë erë e dobët nga drejtimi verior. Temperatura e mëngjesit në kryeqytet do të zbresë deri në shtatë gradë, ndërsa maksimalja ditore do të arrijë deri në 24 gradë Celsius.
Sipas Drejtorisë për Punë Hidrometeorologjike, në dy ditët e ardhshme pritet një rritje e vranësirave me kushte për shi të lehtë lokal të mërkurën, pas së cilës do të vijojë një periudhë me mot të qëndrueshëm dhe të thatë, me temperatura ditore më të ulëta.
