Jens Stoltenberg i cili është Sekretari i Përgjithshëm i NATO-s ka organizuar një konferencë për mediat, ku bujë të madhe bëri kërkesa e një gazetareje me origjinë afgane e cila punonte për gazetën “Morning Newspaper” në Bruksel.
Gazetarja e quajtur Lailuma Sadid shprehet se është shumë e gabuar se si NATO po vepron në këtë situatë. Mes lotësh ajo i ka kërkuar që mos i njohin talibanët njësoj siç bëri ish-Presidenti Donald Trump.
“Sa politika të tjera të dështuara do të ndjekin para se të gjendet një zgjidhje? Ne e kemi parë situatën. Sepse si një grua nga Afganistani … është e qartë se situata është shumë e vështirë. Ka mijëra gra në Afganistan që nuk e dinë çfarë i pret, çfarë ndodh … Ju lutemi mos i njihni talibanët pa asnjë kusht, siç bëri Donald Trump kur nënshkroi marrëveshjen me talibanët. NATO dhe bashkësia ndërkombëtare kanë qenë të pranishme në Afganistan për 20 vjet, dhe tani ne po kthehemi 20 vjet mbrapa.
Unë do të doja të pyesja se si është e mundur kjo? Bashkimi Evropian dhe Shtetet e Bashkuara ishin në krye të civilizimit, ata mundën fashizmin dhe nazizmin në Luftën e Dytë Botërore. Tani, pavarësisht forcës së tyre, ata nuk mund të luftojnë talibanët”, është shprehur gazetarja.
