Alternativa nuk sqaron saktësisht se cilat janë pritshmëritë e tyre nga hetimi ndërkombëtar që po kërkojnë për çështjet Monstra, Alfa, Lagjia e Trimave dhe Almirin e Vogël. Kërkesa, e cila ishte përfshirë në marrëveshjen Gashi-Zaev, shkaktoi reagime negative nga ekspertët juridikë dhe Këshilli Gjyqësor. Koalicioni “Të gjithë për një gjykim të drejtë” tha se një hetim ndërkombëtar për rastet tashmë të përfunduara është i pamundur.
– Të gjitha hulumtimet tregojnë se besimi në gjyqësor është i ulët. Por kjo nuk është një mënyrë për të rritur besimin, përkundrazi. Nëse ka pakënaqësi me vendimet e gjykatave, veprimet e gjyqtarëve dhe prokurorëve, është më e përshtatshme që kjo revoltë të kanalizohet përmes institucioneve përkatëse si Këshilli Gjyqësor dhe Këshilli i Prokurorit Publik, nëse dikush ka punuar me ndikim politik. Hetimi ndërkombëtar i çështjeve të përfunduara nuk ka legjitimitet ligjor në vendin tonë. – Natali Petrovska – Koalicioni Të gjithë për Gjykim të Drejtë.
Për profesoren universitare Mirjana Najçevska, çdo ndërhyrje, sidomos në rastet për të cilat ka vendime të formës së prerë, nuk nënkupton vetëm ndërhyrje të ekzekutivit në gjyqësor, por edhe mohim të sistemit gjyqësor.Vetëm Gjykata Evropiane e të Drejtave të Njeriut mund të bëjë të vetmin rishikim ligjor relevant të vendimeve brenda kornizës së Konventës Evropiane për të Drejtat dhe Liritë e Njeriut. Nëse pjesëmarrësit në rastet e përmendura kanë menduar se janë bërë lëshime të tilla në procedurat që nënkupton shkeljen e të drejtave të tyre sipas Konventës, është dashur të inicojnë procedurë para GJEDNJE – Mirjana Najçevska – Profesoreshë universitare.
Rasti Monstra për pesë vrasjet te Liqeni i Smilkovës, me vendim të Gjykatës Supreme, tashmë një herë është kthyer në rigjykim, ndërsa në shkurt të këtij viti Gjykata Penale sërish ka nxjerrë aktgjykim. Ky rast është tani në Gjykatën e Apelit, ndërsa rasti i Lagjes së Trimave është përfunduar ligjërisht dhe për vrasjen e 8 policëve, rreth njëzet anëtarë të grupit të armatosur që pushtuan nga Kosova janë dënuar për terrorizëm.
