Një nga monedhat e fundit të arit ndonjëherë të vëna në qarkullim në SHBA u shit të martën për 18.9 milionë dollarë në New York. Monedha “Double Eagle” jashtëzakonisht e rrallë e vitit 1933 tani është mo
nedha më e vlefshme që është shfaqur ndonjëherë në ankand, pothuajse dyfishi rekordit të mëparshëm botëror, sipas Sotheby’s, e cila organizoi shitjen.
Duke shfaqur Lirinë në njërën anë dhe një shqiponjë në fluturim në anën tjetër, edicioni i vitit 1933 i “Double Eagle” nuk hyri kurrë në qarkullim dhe pothuajse të gjitha u kthyen në qeverinë e SHBA-së dhe u shkrinë.
Vetëm një pjesë e monedhave u kursyen nga ky fat dhe një numër i vogël hyri në treg. Por në vitin 1944, një hetim i Shërbimit Sekret deklaroi se secila prej tyre që gjendej në duart e koleksionistëve do të konsiderohej e vjedhur.
Mostra e shitur të martën është e vetmja që mund të posedohet legalisht nga një individ privat, pas një beteje ligjore midis Thesarit të Shteteve të Bashkuara dhe një ish-pronari.
Monedha ishte një nga tre artikujt e vlefshëm të vendosur për shitje nga projektuesi i këpucëve Stuart Weitzman. Dy të tjerët – një pullë nga një ish koloni britanike dhe një fletë pullash postare amerikane të shtypura me një gabim unik – gjithashtu tërhoqën oferta në miliona dollarë./
