Mixha Ramë, ishte personazhi shumë i dashur nga publiku shqiptar. Fitim Domi aktori i lindur në Tiranë më 17 dhjetor të vitit 1939, ishte ai që jetësoi personazhin e Mixhës Ramë për disa vite radhazi në televizionet shqiptare.
Vdekja e tij në qershor të vitit 2014-të, pikëlloi shumë adhuruesit e Mixhës Ramë, që nuk ishin të pakët.
Ai vazhdon të mbetet në kujtesën e qytetarëve shqiptar, pasi që, ishte pjesë e shumë emisioneve humoristike në Kosovë, përfshirë edhe atë “Qesh e Ngjesh”.
Fitim Domi, ka punuar edhe si redaktor përgjegjës i programit humoristik në ish-Radio Prishtinë, ndërsa kohëve të fundit ishte angazhuar si redaktor në programin kulturor-arsimor në Radio Kosovë.
Domi poashtu është dalluar edhe si këngëtar i muzikës së lehtë qytetare.
Vajza e tij, Besa Domi, në ditën e lindjes së tij ka përkujtuar momentet me babain e saj, duke i uruar ditëlindjen përmes një postimi në “Facebook”.
“Krejt cka kom i kisha dhane, vec me e tymose edhe ka njo bashke. E me t’qaf edhe niher fort. E ti mu bo kishe su bA nami qe e ki ditelindjen. URIME DITELINDJEN Bab”, ka shkruar Domi.
