Ministri i Jashtëm i Ukrainës, Dmytro Kuleba, e ka quajtur si të merituar hapjen e negociatave për pranim në Bashkimin Evropian për Shqipërinë dhe Maqedoninë e Veriut. Në një postim në Twitter ai i ka uruar Maqedoninë e Veriut dhe Shqipërinë për hapjen e negociatave.
“Mirëpres vendimin për hapjen e negociatave të BE-së me Shqipërinë dhe Maqedoninë e Veriut. Historike dhe e merituar, të dashur kolegë Olta Xhaçka dhe Bujar Osmani. Bashkimi Evropian edhe një herë dëshmoi se ka muskuj për të udhëhequr, krijuar mundësi të reja dhe të formësojë të ardhmen e Evropës”, ka shkruar Kuleba.
Sot në Bruksel, Maqedonia e Veriut dhe Shqipëria kanë mbajtur konferencat e para ndërqeveritare me Bashkimin Evropian, me çka edhe zyrtarisht i kanë nisur negociatat për anëtarësim./Telegrafi/
I welcome the decision to open EU accession talks with Albania and North Macedonia. Historic and well-deserved, dear colleagues @Xhacka_Olta and @Bujar_O. The European Union once again proves it has the muscles to lead, create new opportunities, and shape the future of Europe.
— Dmytro Kuleba (@DmytroKuleba) July 19, 2022
