Funksionari i OBRM-PDUKM-së Antonio Milloshoski, përmes një postimi në Facebook thotë se presidenti i shtetit Stevo Pendarovski, është infektuar nga virusi i “zaevizmit”.
Milloshoski thotë se Pendarovski fillimisht ka vepruar me pohime, ndërsa më pas me gënjeshtra dhe vet-demantime.
“Më 30 maj Pendarovski tha se për shkak të rritjes së numrit të të infektuarve dhe të vdekurve shpall gjendje të jashtëzakonshme. 13 ditë më vonë Pendarovski ‘pohoi’ se ai asnjëherë nuk ka shpallë gjendje të jashtëzakonshme për shkak të numrit të të infektuarve dhe të vdekurve dhe këto krahasime ishin të pabaza”.
“Pse sot Pendarovski zgjodhi të vet-demantohet, më së miri e di shoku i tij, ‘bartësi i virusit zaevizëm’”, shkruan Milloshoski.
Ndryshe, sot presidenti Stevo Pendarovski njoftoi se nuk do të vazhdojë gjendjen e jashtëzakonshme, e cila përfundon nesër.
