Ne kemi kritikuar Marrëveshjen e Fqinjësisë së Mirë në 2017. Gjithashtu një pjesë e publikut nuk ishte në dijeni. Tani pasojat e dëmshme po hyjnë në fuqi dhe do të vazhdojnë edhe në të ardhmen. Publiku është i pjekur që kjo marrëveshje të vihet në provë dhe të ndërpritet, thotë deputeti i OBRM-PDUKM-së dhe ish-ministri Antonio Milloshoski lidhur me vendimin për mbledhjen e nënshkrimeve për referendum të detyrueshëm për anulimin e Marrëveshjes për fqinjësi të mirë. Milloshoski sqaron se sipas Ligjit për referendum, shkruhet se tema e sqarimit të referendumit mund të jetë temë e caktuar në kompetencë të Kuvendit.
“Sipas propozim-kornizës për negociata është kompetencë e Qeverisë. Marrëveshja me Bullgarinë është burimi i pasojave të dëmshme. Ne nuk fajësojmë Gjermaninë apo Francën për propozimin. Baza e klauzolave të dëmshme është Marrëveshja me Bullgarinë”, tha Milloshoski. Ai thotë se partia nuk e ka problem të mbështesë një marrëveshje të barabartë me Bullgarinë. Cilido qoftë rezultati i referendumit, shton Milloshoski, OBRM-PDUKM nuk do të pranojë amendamentet kushtetuese.
“Ne besojmë se Kushtetuta nuk duhet të hapet për momentin, sepse do të hapë probleme edhe më të mëdha politike. Nëse referendumi kalon, ne do të ndërtojmë marrëdhënie më të mira me Bullgarinë”, theksoi Milloshoski.
