Sasho Mijallkov pas lirimit nga burgu shkurtimisht u shpreh se nuk do të arratiset dhe se nuk ka arsye pse ta bëjë një gjë të tillë.
“Nuk arratisem, s’kam nevojë të arratisem”, u shpreh Mijalkov derisa hyri në automjet ku e priti i biri i tij dhe sigurimi.
Atij si asnjë të burgosuri iu lejua automjeti të parkohet para portës së burgut “Shkupi” dhe hyrë menjëherë në automjet. Mijallkov nuk u përgjigj në pyetjet e gazetarëe nëse do të mbesë në Shkup pas daljes nga burgu dhe po ashtu nuk komentoi se si i bindi gjyqtarët ta lëshojnë në liri.
Kujtojmë se lirimi i Mijallkov nga paraburgimi vjen pasi që ankesa e tij në Gjykatën e Apelit u pranua.
