Kryetari i opozitës, Hristjan Mickoski, në daljen e parë për shtyp në këtë raund të dytë ka falënderuar të gjitha ata që kanë dalë të votojnë dhe bënë të mundur fitoren e opozitës në këto zgjedhje.
Ai tha se pa mbështetjen e opozitës shqiptare, Alternativa dhe Aleanca për Shqiptaret, por edhe E Majta, kjo fitore nuk do të ishte e mundur. Ai tha, se sot, ata si opozitë hodhën të gjitha barrierat, dhe se në Maqedoni është e mundur një bllok tjetër qeverisës. Me këtë, ai shtoi, se zgjedhjet parlamentare janë shumë afër.
