“Më thërrasin baci Yll”, flet pasi votoi i riu nga Podujeva që vishet e jeton si i moshuar
Sot po mbahet raundi i dytë i zgjedhjeve lokale në Kosovë, teksa 21 komuna janë në balotazh, ndër to edhe ajo e Podujevës.
Edhe në këto zgjedhje nuk ka munguar prezenca e të ‘famshmit’ Yll Raçi i cili njihet si “Plaku i ri”.
Pas votimit ai tha se veshja është traditë e Llapit dhe do ta mbaj deri sa të vdes.
“Është traditë e Llapit e praktikoj sepse me pëlqen sepse kombi ynë është më i miri dhe askush nuk mund të na marr ketë veshje”, është shprehur Raçi.
Po ashtu ai tregoi se qytetarët e Llapit atë e thërrasin edhe si “baci Yll”, por kjo nuk e pengon aspak të riun nga Podujeva.
