Më shumë se 7000 trupa ruse janë vrarë që prej fillimit të pushtimit të Ukrainës nga Rusia, sipas këshilltarit të presidentit të Ukrainës.
Oleksiy Arestovich, këshilltar ushtarak i Volodymyr Zelenskiy, tha në një intervistë televizive se qindra ushtarakë rusë janë zënë rob dhe janë burgosur, përfshirë oficerë të lartë, raporton The Guardian.
Ai tha se një komandant i ushtrisë u dërgua në Bjellorusi pasi ishte i plagosur rëndë.
Ndërkohë sipas Ministrisë ruse të Mbrojtjes, 498 ushtarë rusë janë vrarë në Ukrainë që nga 24 shkurti.
Ministria ruse e mbrojtjes tha gjithashtu se më shumë se 2,870 ushtarë dhe “nacionalistë” ukrainas janë vrarë dhe rreth 3,700 janë plagosur.
