Hygerta Meta, 19-vjeçarja që vrau babain dhe e groposi në oborrin e shtëpisë është dërguar sërish në vendin e ngjarjes.
Nën shoqërimin e forcave të policisë, e reja me një maskë anticovid, ka treguar detaje të tjera rreth ngjarjes së rëndë.
Deri më tani, policia nuk ka arritur të gjejë armën e krimit dhe dyshimet janë se vajza mund të jetë ndihmuar edhe nga persona të tjerë familjarë.
Dyshimet qëndrojnë te fakti se si vajza ka arritur të hapë e vetme një gropë, 1.5 metra të thellë, të mbështjellë me plastmas e batanije babain e vrarë dhe të groposë trupin e tij, që peshonte rreth 90 kg.
Këto dyshime kanë edhe fqinjët e familjes Meta në fshatin Shënavlash. Një prej tyre duke folur për mediat tha:
“Dyshimet janë tek familja, te tre fëmijët dhe te nëna. Të vrasësh burrin dhe mos ta dinë, është brenda familjes. Ka pas prona rehat ka qenë, jo i varfër. Nuk bëhet kjo gjë. Tokat i ka të babës”.
