Klinika Gjinekologjike është mbyllur, pas dyshimeve për vrasjen e një gruaje atje. Gazeta Nacionale po qëndron pranë vendit të ngjarjes, prej ku ka mësuar se Gjinekologjia është mbyllur, dhe hyrja emergjente po përdoret vetëm nga stafi mjekësor.
Ndërkohë, Nacionale mëson se viktima ishte e shtrirë në repartin Obstetrik dhe është në javën e fundit të shtatëzënisë. Rrethanat e ngjarjes nuk dihen, ndërsa aty shihet Policia e Kosovës që ka filluar me hetimin preliminar të rastit makabër. Nacionale pas pak do t’ju informojë me zhvillimet e tjera rreth këtij rasti.
