Në fundjavë, ndërmjet të shtunës dhe të dielës, në vend janë regjistruar 1.254 raste të reja me KOVID-19, duke e çuar numrin e rasteve aktive me koronavirus në 20.114. Mes numrit të përgjithshëm të pozitivëve janë edhe 169 të riinfektuar.
Në periudhën e njëjtë janë regjistruar edhe 28 pacientë të shëruar, si dhe 21 të vdekur në spital nga mosha 54 deri në 90 vjeç.
Deri më tani në Maqedoninë e Veriut janë kryer gjithsej 1.785.054 testime të KOVID-19. Numri i përgjithshëm i personave të diagnostikuar me KOVID në vendin tonë që nga fillimi i epidemisë është 268.191, numri i të shëruarve është 239.694, ndërsa numri i të vdekurve është 8.383.
Në kushtet e rritjes së vazhdueshme të pacientëve të rinj mbeten rekomandimet për respektimin e masave për mbrojtjen dhe vaksinimin e popullatës.
