Prokuroria Themelore Publike në Ohër ka nisur procedurë ndaj dy personave, të moshës 19 dhe 20 vjeçe, për të cilët ekziston dyshimi se kanë kryer veprën penale “privim i paligjshëm i lirisë”.
Dy të dyshuarit veprën penale e kanë kryer më 3 qershor të vitit 2020 duke ia ndaluar në mënyrë të paligjshme kufizimin e lëvizjen shtetases së Republikës së Italisë.
I dyshuari i parë, i cili kishte leje qëndrimi të përkohshme në Itali ka mbërritur në vendin tonë së bashku me shtetasen e Italisë, me qëllim që ta bindte atë të martohej me të dyshuarin e dytë nga Shkupi, një i afërm i të dyshuarit të parë, që më pastaj të largohej për në Itali.
Pas mbërritjes, të dyshuarit e kanë mbyllur viktimën në një apartament në Ohër dhe janë larguar në drejtim të panjohur.
Ngjarja është raportuar nga Ambasada e Republikës së Italisë, pas së cilës të dyshuarit janë gjetur dhe janë arrestuar.
Me kërkesë të Prokurorisë Publike, Gjykata themelore në Ohër ka shqiptuar masën e paraburgimit prej 8 ditëve për dy të dyshuarit për shkak të rrezikut për ikje ose përsëritje të veprës.
