Në Gjykatën Penale në Shkup sot vazhdon procesi gjyqësor për rastin “Maxhar Telekom”. Ky proces udhëhiqet kundër ish-drejtorit gjeneral dhe drejtorit financiar të “Telekomit Maqedonas”, Atila Senderei dhe Rolf Plat, si dhe personave të tjerë për keqpërdorim të detyrës zyrtare dhe arritjen e marrëveshjeve fiktive për shërbime konsultative me firma nga Qipro.
Rasti është në duart e gjykatëses Lenka Davitkova. Procesi gjendet në procedurë të dëshmive dhe se po merren në pyetje dëshmitarë të propozuar nga Prokuroria, ndërsa prokurore e këtij rasti është Lile Stefanovska. Ky rast filloi të procesohet në vitin 2011 dhe më pas kaloi në kompetencë të Prokurorisë Speciale.
