Shqyrtohet mundësia që Maqedonia e Veriut të jetë në karantinë për festat e Pashkëve. Kjo masë u paralajmërua nga autoritetet shëndetësore me qëllim të parandalimit të përhapjes së virusit.
Zgjatja e orës policore nga e premtja pasdite deri në të martën në mëngjes, gjatë festave të Pashkëve, është masa që do të diskutohet në seancën qeveritare, ndërsa më pas do të merret në konsideratë nëse masat do të jenë të vlefshme për fundjavat në vijim. Këtë e bëri të ditur Ministri i Shëndetësisë, Venko Filipçe në një diskutim të hapur në Qeveri së bashku me zv. ministrin Armend Arsllani dhe epidemiologët nga Instituti për Shëndet Publik Zharko Karaxhovski dhe Vladimir Mikiç.
Filipçe përsëriti se mënyra e jetesës nuk do të jetë e njëjtë pas uljes së kufizimeve. Është parashikuar që masat të zvogëlohen gradualisht.
