Parlamenti i Malit të Zi ka votëbesuar sot Qeverinë e re të vendi. Me votat e 41 deputetëve, nga gjithsej 81, Kryeministri Zdravko Krivokapiç ka marrë konfirmimin për programin dhe përbërjen e kabinetit.
Qeveria e re malazeze është e para që prej tri dekadash është formuar pa Partinë Demokratike të Socialistëve (DPS) të Milo Gjukanoviçit, që u mund në zgjedhjet e 30 gushtit të këtij viti.
Shqiptari i Dritan Abazoviç nga partia URA është zgjedhur Zv. Kryeministër. Qeveria e re u mbështet nga deputetët e partisë nga lista “Për Ardhmërinë e Malit të Zi”, e udhëhequr nga Fronti Demokratik, Mali i Zi Demokratik dhe Lëvizja Qytetare URA.
Kundër qeverisë së re ishin partitë opozitare DPS, Socialdemokratët, Partia Social-Demokrate, dy parti kombëtare shqiptare dhe Partia Boshnjake.
Dritan Abazoviç bëhet kështu i pari qytetar me enti shqiptare që merr një pozicion kaq të rëndësishëm në Qeverinë e Malit të Zi.
Kujtojmë se disa ditë më parë ai është kërcënuar me jetë nga një klan mafioz.
