Presidenti francez Emanuel Makron në Tuiter, ka shkruar se Franca do të rreshtohet krah Maqedonisë së Veriut gjatë konferencës së parë ndërqeveritare. Ai gjithashtu ka shkruar se Kuvendi i RMV-së, bëri një zgjedhje vendimtare për Evropën.
“Me votim sovran sot për propozimin që dha Franca para përfundimit të kryesimit të saj me Këshillin e Bashkimit Evropian, Kuvendi i Maqedonisë përsëri bëri një zgjedhje vendimtare për Evropën. Franca do të rreshtohet krah Maqedonisë së Veriut gjatë konferencës së parë ndërqeveritare e cila do të hapë një fazë historike në procesin e inkuadrimit të saj drejt Bashkimit Evropian”, ka shkruar Makron në postimin e tij.
