Presidenti i Francës, Emmanuel Macron, të shtunën ka pritur në një takim në Pallatin Elysee presidentin e zgjedhur të Shteteve të Bashkuara të Amerikës, Donald Trump dhe homologun ukrainas Vlodymyr Zelensky, përpara se të shkojnë në ceremoninë e rihapjes së katedrales “Notre-Dame”.
Duke folur për mediat, Trump ka thënë se me Macronin kishin sukses të madh sa kishin bashkëpunuar gjatë mandatit të parë të republikanit në Shtëpinë e Bardhë.
“Dhe sigurisht duket sikur bota po çmendet pak tani. Dhe ne do të flasim për këtë”, ka shtuar Trump.
Udhëtimi në Francë shënon kthimin e Trumpit në skenën botërore, por tashmë duke u përgatitur për të trajtuar një mori krizash ndërkombëtare.
Katedralja “Notre Dame” do të rihapet pas pak orësh, pesë vjet pas zjarrit që shkatërroi monumentin 850-vjeçar.
