Kreu i komunës së Gjilanit Lutfi Haziri ka shumë gjasa që nesër të jap dorëheqje nga post i të parit të Gjilanit. Kështu ka lënë të nënkuptohet vet Haziri përmes një statusi në Facebook.
“Kjo është arritur sot pas aktit të tërheqjes së Isa Mustafës nga pozita e kryetarit dhe nga tash është hapur rruga për mobilizimin politik dhe zgjedhje të jashtëzakonshme të LDK’sëPo ashtu, edhe ne në Gjilan nga sot do të veprojmë njëjtë. Debati i brendshëm do të përcillet me largimin e dobësive tona që shkaktuan pakënaqësi te qytetarët dhe votuesit”, ka shkruar Haziri.
Ndërkohë zhvillime tëq reja priten nesër në Gjilan. Atje Haziri ka thirrur në një tubim urgjent kryesinë e LDK-së në orën 17:00.
Kështu kanë konfirmuar burime të Indeksnonline.
“Nëse në ora 17:00 e kemi takimin urgjent. Aty do të vendoset”, ka thënë ky burim.
E Kryetari i Gjilanit, Lutfi Haziri, njëherësh edhe kryetar i degës së LDK-së në Gjilan, nëpërmjet një statusi në Facebook, ka thënë se asnjëherë më parë në historinë e LDK-së nuk ka ndodhur që Kryetari, Nënkryetari, Sekretari dhe Kryesia, të japin dorëheqje për shkak të rezultatit zgjedhor.
