Pengesa në transportin e mallrave, rriten kostot për shkak të kontrolleve të shumta në kufi
Konflikti i vazhdueshëm ushtarak midis Rusisë dhe Ukrainës po krijon dete të trazuara për industrinë e transportit detar të Turqisë, me një numër kompanish që lundrojnë në rrugën e tyre përmes kostove në rritje dhe duke luftuar për të qëndruar në det mes humbjeve të mëdha.
E vendosur në jug të Detit të Zi, Turqia importon një sasi të madhe të energjisë dhe lëndëve të para çdo vit nga të dy vendet fqinje, Rusia dhe Ukraina. Në vitin 2021, mbi 39 % e naftës së Turqisë, 45% e gazit të saj dhe më shumë se 64% e grurit të vendit importoheshin të gjitha nga Rusia.
Por agresioni rus si dhe ndërhyrjet e shumë shteteve të tjera përfshirë këtu edhe sanksionet ekonomike kundër Rusisë kanë pasur një ndikim të rëndë në sektorin e transportit të vendit, duke penguar importet dhe duke ushtruar më shumë presion mbi kompanitë për të qëndruar në kurs.
“Jo vetëm siguria po na pengon. Për shkak të luftës, asnjë kompani sigurimesh nuk po na mbulon. Kjo do të thotë se nëse diçka ndodh me anijet tona, ajo do të vijë drejtpërdrejt nga xhepi ynë”.
Sipas Can, për shkak të situatës së paqëndrueshme, anijet po përballen me inspektime më të shpeshta dhe po i nënshtrohen kontrolleve të gjata të sigurisë në detet përkatëse, gjë që ka zgjatur shumë kohën e transportit dhe duke parë që shumë kompani të pësojnë humbje ditore.
Pengimi i transportit të mallrave, si dhe rritja e kostove të transportit dhe rritja e çmimeve të energjisë dhe lëndëve të para paraqesin një provë të rëndë për Turqinë, një vend që mbështetet shumë në importet. “Reuters” raporton se disa kompani të vogla të transportit mund të mbyllen nëse kriza vazhdon.
Që nga viti i kaluar, Turqia ka parë rritje të çmimeve, me normën alarmante të inflacionit që në Prill arriti në 70%.
